काठमाडौँ । प्रधानमन्त्री शेर बहादुर देउवाले बोलाएको सर्वदलीय बैठकमा नेकपा एमाले सहभागी नहुने भएको छ । एमालेबाट विभाजन भएर बनेको नेकपा एकीकृत समाजवादी पार्टीलाई पनि सर्वदलीय बैठकमा बोलाएपछि एमाले नजाने भएको हो ।

प्रधानमन्त्री देउवाले प्रधानमन्त्रीको सरकारी निवास बालुवाटारमा आइतबार दिउँसो ४ बजे सर्वदलीय बैठक बोलाएका छन् । तर एमालेले पार्टीको सांसदबाट कारबाही गरेका माधव कुमार नेपाललाई सभामुख अग्निप्रसाद सापकोटाले कारबाही नगरेर पार्टी विभाजनमा सहयोग गरेको भन्दै सर्वदलीय बैठकमा नजाने बताएको हो ।

एमाले महासचिव शंकर पोखरेलले एमालेले कारबाही गरेका सांसदलाई बोलाए नजाने बताए । उनले भने, ‘सर्वदलीय बैठकमा को(को उपस्थित हुन्छन् भन्ने कुराले हामी उपस्थित हुने र नहुने भन्ने भर पर्छ, हामीले रिकज्नाइज नगरेकाहरूलाई बोलाए हामी कसरी उपस्थित हुने ?’

सर्वदलीय बैठकमा अमेरिकी सहयोग परियोजना मिलिनियम च्यालेन्ज कर्पोरेसन ९एमसिसी० र एमालेले संसदमा गरिरहेको अवरोधका विषयमा छलफल हुने बताइएको छ ।