काठमाडौँ । प्रधानमन्त्री शेरबहादुर देउवाले संसद्‍मा प्रतिनिधित्व गर्ने दलहरूको सर्वदलीय बैठक बोलाएका छन् । उनले आइतबार दिउँसो ४ बजे बस्ने गरी बैठक बोलाएका हुन् ।

प्रधानमन्त्रीको सरकारी निवास बालुवाटारमा बस्ने बैठकमा प्रमुख प्रतिपक्षी दल नेकपा एमाले, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी, लोकतान्त्रिक समाजवादी पार्टी, नेपाल मजदुर किसान पार्टीलगायत दलहरू सहभागी हुने भएको छ ।

बैठकमा सहभागी हुन सबै दललाई पत्र पठाइएको छ । शुक्रबार बिहान प्रधानमन्त्री देउवा र माओवादी केन्द्रका अध्यक्ष पुष्पकमल दाहाल प्रचण्डबीच भेटवार्तामा सर्वदलीय बैठक बोलाउने विषयमा छलफल भएको थियो ।