काठमाडौँ । सिरहामा दुई समूहबीच भएको छुरा हानाहानमा एक जनाको मृत्यु भएको छ । घटनामा अर्का एक जना घाइते भएका छन् ।

गोलबजार नगरपालिका ६ मा शनिबार राति दुई पक्षबीच छुरा प्रहार भएको हो । छुरा प्रहारबाट २६ वर्षीय रामकुमार सदाको मृत्यु भएको हो भने निकेश सदा घाइते भएका हुन् ।

घटनामा घाइते भएका उनीहरूलाई उपचारका लागि आरके मेडिसिटी अस्पताल लगिएको थियो । अस्पताल पुग्नासाथ चिकित्सकहरूले रामकुमारलाई मृत घोषणा गरेका थिए ।‍

घटनामा संलग्न भएकाहरू फरार छन् । उनीहरूको खोजी कार्य भइरहेको जिल्ला प्रहरी कार्यालयले जनाएको छ । घटनापछि दोषीलाई कारबाही गर्न माग गर्दै स्थानीयबासीले पूर्व–पश्चिम राजमार्ग अवरुद्ध गरेका छन् । स्थानीयले सडकमा टायर बालेर प्रदर्शन गरी राजमार्ग अवरुद्ध गराएका हुन् ।