काठमाडौँ । प्रधानमन्त्री शेरबहादुर देउवाले १८ औँ राष्ट्रिय ज्यापु दिवसको उद्घाटन गरी शुभकामना दिएका छन् । काठमाडौँमा आयोजित कार्यक्रममा बोल्दै उनले यस्ता कार्यक्रममा सबै जातजातिले आफ्नो मौलिक परम्परालाई जिवन्त राख्ने बताए ।

‘यो साह्रै पुरानो संस्कृति हो, त्यसैले हामीले आज बिदाको घोषणासमेत गरेका छौँ,’ प्रधानमन्त्री देउवाले भने, ‘यिनै साझा मौलिक परम्पराले अनेकतामा एकताको भावना ल्याएको छ, राष्ट्रिय एकतालाई सुदृढ बनाएको छ ।’

प्रधानमन्त्री देउवाले ज्यापु समाजले अन्य समूदायसँग मिलेर थप सांस्कृति विकास र मुलुकमा एकतामा जोड दिन आग्रह गरे ।