काठमाडौँ । नेपाली कांग्रेसको खुला केन्द्रीय सदस्यतको मत गणना जारी छ । कांग्रेसको १४औं महाधिवेशन अन्तर्गत भएको खुल्ला केन्द्रीय सदस्यको मतगणना पार्टी केन्द्रीय कार्यालय सानेपामा जारी रहेको हो ।

कांग्रेस केन्द्रीय निर्वाचन समितिका अनुसार ३५९५ मतगणना सकिएको छ । शनिबारदेखि खुला केन्द्रीय सदस्यको मतगणना सुरु भएको थियो । ३५ जना केन्द्रीय सदस्यका लागि भएको निर्वाचनमा ९९ जनाले उम्मेदवारी दिएका छन् ।