कैलाली । कञ्चनपुरको पुर्नवास नगरपालिका ४ कार्गिलडाँडाबाट सशस्त्र प्रहरीले लागु औषधसहित तीन जनालाई पक्राउ गरेको छ । मंगलबार बिहान लागु औषधसहित भारतबाट से ३ प ७५२५ नंको मोटरसाइकलमा सवार उनीहरूलाई पक्राउ गरेको हो ।

पक्राउ पर्नेमा लालझाडी गाउँपालिका १ बिनाबारीका १९ वर्षीय अनिल राना, २० वर्षीय रवीन्द्र वडायक र २३ वर्षीय नरेश राना रहेका छन् । सशस्त्र प्रहरी बल नेपाल नम्बर ३५ गण हेडक्वार्टर शैलेश्वरी कञ्चनपुरका सशस्त्र प्रहरी उपरीक्षक वीरेन्द्रबहादुर ऐरका अनुसार पक्राउ परेकाहरुको साथबाट नेट्राभेट १० नामक लागुऔषध ट्याबलेट १३ थान, नेपाली रुपैयाँ ३५० र मोबाइल तीन थान बरामद गरिएको छ ।

बरामद लागुऔषध, नगद रकम, मोबाइल, मोटरसाइकलसहित तीनै जनालाई आवश्यक कारबाहीका लागि इलाका प्रहरी कार्यालय त्रिभुवन बस्तीमा बुझाइएको छ ।