काठमाडौँ । नेकपा माओवादी केन्द्र प्रदेश १ को पदाधिकारीका लागि निर्वाचन हुने भएको छ । माओवादी प्रदेश १ मा अध्यक्ष, उपाध्यक्ष, सचिव र सचिवसहितका पदाधिकामा निर्वाचन हुने भएको हो ।

बुधबार बसेको प्रदेश कमिटीको बैठकले सर्वसम्मत नेतृत्व चयन गर्न नसकेपछि पदाधिकारीमा निर्वाचन हुन लागेको छ । माओवादी प्रदेश १ को निर्वाचन समितिका अनुसार आज साँझ ७ बजेदेखि मतदान हुनेछ ।

निर्वाचनको सम्पूर्ण तयारी भएको बताइएको छ । माओवादी केन्द्रको प्रदेश समितिमा ९ जना पदाधिकारी रहने व्यवस्था छ । प्रदेश १ को नेतृत्व चयनका लागि २५९ जनाले मतदान गर्ने छन् ।