काठमाडौँ । नेकपा माओवादी केन्द्रले आफ्नो राष्ट्रिय सम्मेलनमा विदेशी पाहुनालाई नबोलाउने भएको छ । आइतबारदेखि काठमाडौँमा सुरु हुन लागेको सम्मेलनमा माओवादीले देश तथा विदेशबाट पाहुनालाई नबोलाउने भएको हो ।

पत्रकार सम्मेलनमा बोल्दै पार्टी प्रवक्ता कृष्णबहादुर महराले अधिवेशन नभई राष्ट्रिय सम्मेलन भएकाले पाहुनालाई नबोलाइने जानकारी दिएका हुन् ।

माओवादी केन्द्रको राष्ट्रिय सम्मेलन आगामी आइतबारदेखि सुरु हुँदै छ । सम्मेलनमा एक हजार ५३३ जना प्रतिनिधि सहभागी हुने छन् ।