काठमाडौं । नेकपा (माओवादी केन्द्र)को स्थायी कमिटि बैठकमा अधयक्ष पुष्पकमल दाहाल (प्रचण्ड)ले राजनीतिक प्रतिवेदन पेश गरेका छन् । पार्टीको पुस ११ गतेदेखि १३ सम्म काठमाडौंमा हुन लागेको राष्ट्रिय सम्मेलनमा प्रस्तुत गर्ने राजनीतिक प्रतिवेदन प्रचण्डले छलफलका लागि स्थायी कमिटि बैठकमा पेश गरेका हुन् ।

उक्त प्रस्तावमा रहेर अव स्थायी कमिटि सदस्यहरुले अध्ययन गर्ने र त्यसपछि शुक्रवार नै दिउासो ३ वजे बस्ने स्थायी कमिटि बैठकमा नेताहरुले छलफल गर्ने भएको छन् । वैठक दिउँसो ३ वजे पुनः पार्टी कार्यालय पेरिसडाँडामै बोलाइएको छ । स्थायी कमिटि दस्यहरुले दिने सुझाव सम्मलाई समेटेर अध्यक्षले फेरि दस्तावेजलाई थप समृद्ध बनाएर राष्टिय सम्मेलनमा लैजानेछन् ।
‘अध्यक्षले दस्तावेज स्थायी कमिटिमा पेश गर्नुभएको छ । त्यसमा फेरि हामी आजै दिउँसो ३ वजे वैठक बसेर थप छलफल गछौं ।’ – पार्टी प्रवक्ता कृष्णवहादुर महराले भने ।