काठमाडौँ । नेपाली कांग्रेसको कार्णाली प्रदेशको नवनिर्वाचित कार्य समितिका पदाधिकारीहरूले गृहमन्त्री बालकृष्ण खाँणसँग भेटघाट गरेका छन् ।

सिंहदरबारस्थित गृह मन्त्रालयमा भएको भेटमा प्रदेशमा देखिएका समास्याबारे गृहमन्त्रीलाई अवगत गराएको कांग्रेसका कर्णाली प्रदेश सभापति ललितजंग शाहीले जानकारी दिए । भेटमा कांग्रेसको १४ औँ महाधिवेशनबाट केन्द्रीय समिति, कर्णाली प्रदेश समितिमा निर्वाचित पार्टीका पदाधिकारी र सदस्यहरूबीच शुभकामना आदानप्रदान भएको थियो ।

कर्णाली प्रदेश सभापति शाहीले आफूहरूले कर्णाली प्रदेशमा रहेका समस्याबारे गृहमन्त्रीलाई अवगत गराएको जानकारी दिए । प्रदेश सभापति शाहीले गृहमन्त्री खाँणले समस्या समाधानको पहल गर्ने बताए ।