काठमाडौँ । प्रधानमन्त्री निवास बालुवाटारमा नेपाली कांग्रेसका नेताहरूको बैठक सुरु भएको छ । पार्टीको केन्द्रीय समिति बैठक बस्नुअघि नेताहरु छलफलमा बसेका हुन् ।

बैठकमा सभापति शेरबहादुर देउवासहितका नवनिर्वाचित पदाधिकारीहरू सहभागी भएका छन् । बैठकमा शेखर कोइराला प्यानलबाट निर्वाचित उपसभापति धनराज गुरुङ र महामन्त्री गगन थापासमेत सहभागी भएका छन् ।

पदाधिकारीमा शेखर प्यानलबाट गुरुङ र थापासहित सहमहामन्त्रीमा दुई जना निर्वाचित भएका छन् । बैठकबाट शनिबार बस्ने केन्द्रीय समिति बैठकका एजेण्डा तय गरिने भएको हो । केन्द्रीय समिति बैठक शनिबार दिउँसो १ बजे बस्ने भएको छ ।