काठमाडौँ । नेपाली कांग्रेसको १४ औँ महाधिवेशबाट निर्वाचित सभापतिसहितका पदाधिकारी र सदस्यलाई निर्वाचित भएको प्रमाण पत्र प्रदान गरिएको छ ।

पार्टी सभापति एवं प्रधानमन्त्री शेरबहादुर देउवासहितका पदाधिकारी र सदस्यलाई पार्टी केन्द्रीय कार्यालय सानेपामा आज आयोजित समारोहमा पार्टीको केन्द्रीय निर्वाचन समितिका संयोजक वरिष्ठ अधिवक्ता गोपालकृष्ण घिमिरेले प्रमाण पत्र प्रदान गरेका हुन् । पदाधिकारी र सदस्यलाई प्रमाण पत्र प्रदान गरिएसँगै नेपाली कांग्रेसको १४ औँ महाधिवेशन औपचारिक रुपमा समापन भएको छ ।

मुलुकको प्राकृतिक परिवर्तनका लागि विभिन्न कालखण्डमा नेतृत्वदायी भूमिका खेल्दै आएको नेपाली कांग्रेस मुलुकको सबैभन्दा ठूलो लोकतान्त्रिक पार्टी हो । प्रमाण पत्र वितरणको कार्यक्रम सम्पन्न भएलगत्तै पार्टीको नवनिर्वाचित केन्द्रीय कार्य समितिको बैठक बस्दै छ ।