काठमाडौं । नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले नेकपा एकीकृत समाजवादीका अध्यक्ष माधव नेपालसँग ढिलो-चाँडो एक ठाउँमा हुने बताएका छन्। पार्टीको राष्टिय सम्मेलनको पूर्वसन्ध्यामा ललितपुरको एक होटलमा आयोजित सम्पादकहरूसँगको अन्तर्क्रिया कार्यक्रममा बोल्दै प्रचण्डले माधव नेपाल सँग आफुहरु एकै ठाँउ हुने बताएका हुन् ।

माधव नेपालसँग हामी ढिलो-चाँडो एक ठाउँमा हुन्छौं। हामी यसअघि पनि आफैं छुट्टिएको होइन,- प्रचण्डले भने ।

सर्वाेच्च अदालतले गत वर्ष पुस २३ मा एमाले र माओवादीको एकता वदर गदै अलग अलग पार्टी नै ब्यूताईदिएपछि प्रचण्ड र माधव नेपालहरु अलग अलग भएका थिए । त्यस अगाडीसम्म ओली विरुद्ध प्रचण्ड र नेपाल एकै ठाउँमा थिए । प्रचण्डले अव पनि माधव नेपालसाग ढिलोचाडो एकै ठाँउमा हुने बताएका हुन् ।

नेतृत्व भनेको औपचारिकमात्र नभई विचार र जनमत बोकेको हुनुपर्ने प्रचण्डको भनाई थियो ।

नेतृत्व भनेको औपचारिकमात्र होइन विचार र जनमत बोक्ने हुनुपर्छ, जसरी पनि निर्वाचन जितेर नेतृत्व सही आउँछ भन्ने पनि हुँदैन, -प्रचण्डले भने, – हामी बुर्जुवाले जस्तो निर्वाचन चाहँदैनौं तर हामी निर्वाचान हुनुहुँदैन पनि भन्दैनौं।

उनले निर्वाचन र मूल्यांकन दुवै बाट नेतृत्व निर्माण हुने बताए ।