काठमाडौं । नेकपा माओवादी केन्द्रको आठौं महाधिवेशन शुरु भएको छ । ९ वर्ष अगाडी हेटौडामा माओवादीले सातौं महाधिवेशन आयोजना गरेपछि उसले यस वीचमा अनेक उतारचढाव ब्यहोरेर आज देखि काठमाडौंमा पार्टीको आठौं महाधिवेशन आयोजना गर्न लागेको हो ।

काठमाडौंको कमलादीस्थित नेपाल प्रज्ञा प्रतिष्ठानमा सञ्चालन भइरहेको महाधिवेशनको उद्घाटन शत्रमा प्रधानमन्त्री तथा नेपाली कांग्रेसका सभापति शेरवहादुर देउवा, नेकपा एककिृत समाजवादीका अध्यक्ष माधव नेपाल, नेकपा एमालेका महासचिव शंकर पोखरेल लगायतका विभिन्न राजनीतिक दलका नेताहरु शुभकामनाका लागि पुगेका छन् ।

ओलीलाई प्रचण्डले टेलिफोनवाटै निम्ताएपनि उनी भने झापामा रहेका कारण आफु आउन नसक्ने जानकारी दिएका थिए । तयसपछि शंकर पोखरेल महाधिवेशनस्थलमा पुगेका हुन् ।

महाधिवेशनको उद्घाटन माओवादी केन्द्रका अध्यक्ष पुष्पकमल दाहाल प्रचण्डले गर्नेछन् ।

महाधिवेशन ५ दिनसम्म चल्ने नेकपा माओवादी केन्द्रले जनाएको छ ।