काठमाडौँ । नेकपा एमालेको दशौं महाधिवेशनको जिम्मेवारीवाट असन्तुुष्ट बन्दै आएका सिन्धुपाल्चोकका पूर्वसांसद तथा एमाले नेता सुवास कर्माचार्यले पार्टी छोडेका छन् ।

एमालेमा मूल्यांकन पद्धति ठीक नभएको र वैचारिक रुपमा पनि समस्या देखा परेकोले आफुले एमाले छोडने निर्णयमा पुगेका कर्मचार्यले वताएका छन् ।

कर्माचार्यले २०५६ देखि ०६४ सालसम्म एमालेको जिल्ला सचिवको रुपमा सिन्धुपाल्चोकको नेतृत्व गरेका थिए । उनी चारपटक एमालेको तर्फबाट साविक सिन्धुपाल्चोक २ बाट उम्मेदवार बनेका थिए ।

२०५६ सालको आमनिर्वाचनमा कर्माचार्य सांसद निर्वाचित भएका थिए ।

उनी माधव नेपाल निकट रहेपनि नेपालले एमाले छोडदा एमालेमै रहेका थिए । तर १० औं महाधिवेशनमा उनी केन्द्रीय सदस्य वन्न चाहेपनि ओलीले नबनाएपछि असन्तुष्ट थिए ।