काठमाडौं । नेपाली कांग्रेस प्रदेश २ को अधिवेशन गएराति आएको मतपरिमाणसँगै सम्पन्न भएको छ । जसमा सदस्यमा प्रदेशकै कान्छो उम्मेदवार नितेशकुमार गुप्ता निवार्चित भएका छन् ।

उनले आफ्ना निकटतम प्रतिद्वन्द्वी उदय शंकर राउत लाई ४०० भन्दा बढी मतले पछि पार्दै विजयी हासिल गरेका हुन् ।

उनी आरक्षण कोटा अन्तर्गत अपाङ्ग अल्पसंख्यक कोटाबाट प्रदेश सदस्य बनेका हुन् । गुप्ता रौतहट जिल्ला निवासी हुन् । गुप्ता हाल ३२ वर्ष मात्रै पुग्दैछन् ।

नेता गुप्ता सभापति देउवा समुहबाट कृष्ण यादवको प्यानलमा सबैभन्दा कम उमेरका उम्मेदवार रहेका थिए । । सभापति,उपसभापति र महामन्त्री नतिजा यसअघि नै नतिजा आइसकेकाे छ ।
कांग्रेस प्रदेश २ अधिवेशनको निर्वाचनमा संस्थापन पक्ष प्यानल नै विजयी भएको छ । कांग्रेस प्रदेश २ अधिवेशन पुस ८ गतेबाट सुरू भएकाे थियाे ।