टुंगो लागेन प्रदेश २ को नाम र स्थायी राजधानी
प्रदेशसभाबाट सभामुखकै अध्यक्षतामा समिति गठन

काठमाडौं । प्रदेश २ को नामकरण र स्थायी राजधानीको टुङ्गो अझै लाग्न सकेको छैन ।
पछिल्लो प्रदेशसभा बैठकमा प्रदेशको नामाकरण र स्थायी राजधानीकाबारेमा छलफल चलिरहेको छ । प्रदेशसभा बैठकमा प्रदेशको विभिन्न नामहरुका विषयमा छलफल चलेको थियो ।
प्रदेशसभामा विभिन्न नामहरु प्रस्ताव गरिए पनि साझा नाम नजुटेपछि यसबारे टुंगो लगाउन समिति गठन गरिएको छ ।
मंगलबार बसेको प्रदेशसभा बैठकमा सभामुख सरोजकुमार यादवको नेतृत्वमा १६ सदस्यीय समिति गठन गरिएको हो ।
प्रदेशसभा कार्यसञ्चालन पहिलो संसोधन नियमावली २०७५ को नियम ७३ (क) को उपनियम ९ र नियम ७३ (ख) को उपनियम ९ बमोजिम प्रदेशको नाम र राजधानीको प्रस्ताव अध्ययन गर्न दलीय सहमतिको आधारमा समिति गठन गरिएको सभामुख यादवले जानकारी दिए ।
सभामुखको नेतृत्वको समितिमा उपसभामुखसहित १६ सदस्य छन् । सदस्यहरूमा उपेन्द्रप्रसाद कुशवाहा, किशोरी साह कमल, जगत प्रसाद यादव, दिलीप कुमार साह, परमेश्वर साह, विन्देश्वर प्रसाद यादव, शत्रुधन महतो, शारदा देवी थापा, शिवचन्द्र चौधरी, शैलेन्द्र कुमार यादव, संजय कुमार यादव, सावित्री देवी साह, सुन्दर बहादुर विश्वकर्मा र सुरीता साह छन् ।
समितिले प्रदेशको नामकरण र राजधानीका लागि प्रदेशसभामा पेस भएको प्रस्ताव अध्ययन गरी सरोकारवालाहरुसँग छलफल तथा अन्तरक्रिया गर्ने जनाइएको छ ।
अध्ययनबाट प्राप्त सुझावकाआधारमा समितिले प्रदेशसभामा निर्णयार्थ पेस गर्ने गरी प्रतिवेदन बुझाउने जनाइएको छ । प्रतिवेदन तयार गर्न समितिलाई १५ दिनको समयावधि दिइएको छ ।
यो पनि पढ्नुस्
प्रदेश २ को नाम मधेस, मिथिला भोजपुरा कि जानकी ?















कञ्चनपुरमा सिँचाइ समस्या समाधान गर्न बोरिङ जडान
महेन्द्रनगरमा जिप र मोटरसाइकल ठोक्किँदा दुई जनाको मृत्यु
इनिशाको पोस्टमार्टम रिपोर्ट : बलात्कारपछि अत्यधिक रक्तस्राव हुँदा मृत्यु
किमजोङ र उनकी छोरीबाट नयाँ पेस्तोल परीक्षण
नाडा निर्वाचनसम्बन्धी रिट अदालतद्वारा खारेज, नयाँ कार्यसमितिको शपथ ग्रहणको बाटो खुल्यो
विप्लवले भने-चुनावलाई हामीले संघर्षको मोर्चामा प्रयोग गर्यौं
इरानका नयाँ सर्वोच्च नेता नियुक्त भएकाेमा पुटिनले मोज्तबालाई दिए बधाई
इलाम–१ मा कांग्रेसका निश्कल राई विजयी
कांग्रेस सभापति गगन थापा राजीनामा दिने तयारीमा
आज राति १२ः०० बजेदेखि निर्वाचन आचारसंहिता निष्क्रिय हुने
प्रतिक्रिया