दाङ । मोहन वैद्य नेतृत्वको नेकपा क्रान्तिकारी माओवादी निकट क्रान्तिकारी पत्रकार महासंघ दाङको अध्यक्षमा ईश्वरीप्रसाद गैरे निर्वाचित भएका छन् ।

दाङ्को तुल्सीपुरमा मंगलबार सम्पन्न प्रथम जिल्ला भेलाले गैरेको अध्यक्षतामा ११ सदस्यीय जिल्ला समिति निर्वाचित गरेको हो ।

जनपक्षीय पत्रकारहरुको साझा सङ्गठन महासङघले संगठन बिस्तार तथा सुदृढ अभियान अन्तरगत भेला भएको हो ।

समितिको उपाध्यक्ष तेजबहादुर बुढाथोकी, सचिव रिता केसी, सहसचिव संगीता मगर र कोषाध्यक्षमा ममता बिक निर्वाचित भएकी छन् ।

समिति सदस्यमा डिला चौधरी, प्रकाश पुन, सरोज न्यौपाने र रामप्रसाद न्यौपाने निर्वाचित भएका छन् ।

कार्यक्रममा क्रान्तिकारी पत्रकार महासङ्घका केन्द्रीय महासचिव रवि पाण्डेयले पत्रकारहरु प्रचारकर्ता संगठनकर्ता र आन्दोलनकर्ता रहेको बताए ।

उनले जनपक्षीय पत्रकारको अब्बल संगठन क्रान्तिकारी महासंघ रहेको दाबी गर्दै श्रमजीवीहरुको सच्चा पहरेदारको रुपमा अगाडि बढेको बताए ।

कार्यक्रममा नेकपा (क्रान्तिकारी माओवादी) केन्द्रीय सदस्य एवम् दाङ जिल्ला इन्चार्ज निरज केसी समीरले जिल्लामा ब्याप्त विकृति बिसङगतिविरुद्ध कलम चलाउन आग्रह गरे ।

कार्यक्रममा क्रान्तिकारी युवा लिगका महासचिव दिल बहादुर कठायत, अखिल क्रान्तिकारीका प्रदेश सदस्य मनोज थापालगायतले बोलेका थिए ।

भेला महासङ्घ प्रदेश सदस्य सुशीला आचार्यको अध्यक्षतामा भएको थियो ।