काठमाडौं । नेकपा एमालेका पूर्वसांसद् एवं सिभिल सेभिङ एण्ड क्रेडिट कोअपरेटिभ्सका संस्थापक अध्यक्ष इच्छाराज तामाङ जेल चलान भएका छन् ।

बुधबार काठमाडौं जिल्ला अदालतले पूर्वसांसद् तामाङलाई पुर्पक्षका लागि थुनामा पठाउन आदेश दिएको केन्द्रीय अनुसन्धान ब्यूरो (सीआईबी)का प्रवक्ता प्रहरी उपरीक्षक (एसपी) श्याम कुमार महतोले मेरोन्युजलाई जानकारी दिए ।

उनले भने, ‘सहकारीमा रकम वचत गर्नेहरुको रकम ठगीको आरोपमा उनलाई जिल्ला अदालत काठमाडौंले उनलाई पुर्पक्षका लागि थुनामा राख्ने आदेश दिएको हो ।’

सीआईबीले तामाङले ठगी गरेको निष्कर्षसहित ५ अर्ब ६७ करोड बिगो माग दाबी गर्दै जिल्ला सरकारी वकिलको कार्यालय काठमाडौंमा अनुसन्धान प्रतिवेदन बुझाएको थियो ।

यो पनि पढ्नुस्

इच्छाराज तामाङः भीआईपी ठग !