सर्लाही । सर्लाहीको बयलवासमा तेस्रो पटक निषेधाज्ञा -कर्फ्यू आदेश) जारी गरिएको छ । प्रदर्शन हुन सक्ने आशंकामा जिल्ला प्रशासन कार्यालय सर्लाहीले कर्फ्यू जारी गरेको हो ।

सर्लाहीको इश्वरपुरमा प्रहरी भ्यानको ठक्करबाट मृत्यु भएका रामकुमार महतोको परिवारलाई राहत स्वरुप १० लाख रुपियाँ उपलब्ध गराउने लगायतका ६ बुँदे सहमति भएको थियो । मृतकको दाहसंस्कार भइनसकेकाले प्रशासनले निषेधाज्ञा जारी गरेको हो ।

मृतकको शव परिवारले दाहसंस्कार गरेपछि मात्रै निषेधाज्ञा खोलिने बताइएको छ । विहीबार साँझ साढे ७ बजेदेखि लागू गरिएको निषेधाज्ञा शुक्रबार साँझसम्म जारी गरिएको जिल्ला प्रसासन कार्यालय सर्लाहीले जनाएको छ ।