काठमाडौं । नेपाली कांग्रेसका प्रदेश सभापतिहरुले पनि आफूलाई केन्द्रीय कार्यसमिति बैठकमा सहभागी हुने वैधानिक व्यवस्था गर्न माग गरेका छन् । प्रदेश सभापतिहरुले पठाएको पत्रमा भनिएको छ, ‘नेपाली कांग्रेसको विधान अनुसार संघीयताका आधारमा गठन भएको प्रदेश कार्यसमितिका सभापतिहरुलाई केन्द्रीय कार्यसमितिको बैठकमा सहभागी हुन पाउने वैधानिक व्यवस्था गरी पाउन अनुरोध गर्दछौं ।’

त्यसैगरी क्रियाशील सदस्यता शुल्क वापतको रकम, प्रदेश सभाका सदस्यहरुले बुझाउने लेभी प्रदेश कार्यसमितिको खातामा जम्मा हुने प्रक्रिया गराउन पनि उनीहरुले माग गरेका छन् ।