काठमाडौँ । स्रोत नखुलेको ३८ लाख ३५ हजार नेपाली रुपैयाँसहित एक जना पक्राउ परेका छन् । बिहीबार दिउँसो धनुषाको नगराइन नगरपालिका २ सीमावर्ती क्षेत्रमा लक्ष्मीनियाँ गाउँपालिका १ बस्ने २३ वर्षीय अमितकुमार यादव पक्राउ परेका हुन् ।

उनको साथबाट सशस्त्र प्रहरीले ३८ लाख ३५ हजार नेपाली रुपैयाँसहित पक्राउ गरेको हो । प्रदेश २ ०२ ०० १ प ०४८०८ नम्बरको मोटरसाइकलको ट्यांकीभित्र लुकाएर ल्याउँदै गरेको नगद रकम विशेष सुराकीको आधारमा नियन्त्रणमा लिएको हो ।

घटनाबारे अनुसन्धान भइरहेको प्रहरीले जनाएको छ ।