काठमाडौँ । स्याङ्जा आँधिखोला गाउँपालिकामा एक युवाको गोली लागेर मृत्यु भएको छ । मृत्यु हुनेमा २७ वर्षीय मनोज बिक रहेका छन् ।

आँधिखोला १ कालिखर्क जंगलमा कालिजको शिकार गर्ने क्रममा उनको मृत्यु भएको हो । भरुवा बन्दुकको छर्रा लागेर विकको घटनास्थलमै मृत्यु भएको जिल्ला प्रहरी कार्यलय स्याङजाले जनाएको छ ।

कालिज मार्ने क्रममा विकलाई गोलीको छर्रा लागेर मृत्यु हुँदा सँगै रहेका फरार ६ जना युवालाई पक्राउ गरिएको जिल्ला प्रहरी कार्यलय स्याङजाले जनाएको छ ।

पक्राउ पर्नेमा आँधीखोला–०१ बस्ने वर्ष २७ को सूर्य भन्ने भीमबहादुर सुनार, सोही ठाउँकै १८ वर्षीय सुनिल विक, २४ वर्षको दिनेश भन्ने रेवत पौडेल र वर्ष ३७ को धन बहादुर विकलाई पक्राउ गरिएको छ । सोही ठाउँका वर्ष २४ को गोविन्द अधिकारी र २८ वर्षीय साजन कामीलाई रूपन्देही जिल्लाको बुटवल बसपार्कबाट पक्राउ गरिएको हो । पक्राउ परेकालाई ज्यान सम्बन्धी कसुर ९कर्तव्य ज्यान० मुद्दा दर्ता गरी स्याङ्जा जिल्ला अदालतबाट म्याद थप अनुमति लिई थप अनुसन्धान कार्य भइरहेको डिएसपी अधिकारीले बताए ।