कैलाली । बैतडीमा फेला परेको शवको पहिचान खुलेको छ । जिल्लाको पाटन नगरपालिका–६ हिरापुर नजिक बिहीबार साँझ सडकभन्दा करिब ५० मिटर तल शव फेला परेको हो ।

उक्त शव दशरथचन्द नगरपालिका ४ का २६ वर्षीय सुरत भुलको रहेको इलाका प्रहरी कार्यालय पाटनका प्रमुख प्रहरी निरीक्षक राजेश शाहीले बताए । प्रहरीका अनुसार रोजगारीका लागि भारत गएका उनको घर फर्किँदै गर्दा बाटोमै मृत्यु भएको हो ।

उनी जण्डिसको बिरामी रहेको बुझिएको छ भने उनको मृत्यबारे केही खुल्न नसकेको र आवश्यक अनुसन्धान गरिरहेको प्रहरीले जनाएको छ । उनको शव पोष्टमार्टमका लागि जिल्ला अस्पतालमा राखिएको बताइएको छ ।