काठमाडौं । महालक्ष्मी विकास बैंक लिमिटेडले संस्थागत सामाजिक उत्तरदायित्वको कार्यक्रम अन्तर्गत शैक्षिक सामग्रीहरु वितरण गरेको छ ।

“एक शाखा, एक सामाजिक उत्तरदायित्व कार्यक्रम” संचालन गर्दै आएको यो बैंकले ललितपुर महानगरपालिका १४ लोहाचोकस्थित चोईना विणा गुरु गणेश आधारभुत विद्यालयलमा अध्ययनरत छात्र छात्राहरुलाई विभिन्न आधारभुत शैक्षिक सामाग्री एवं खानेपानीको लागि आवश्यक उपकरण सहयोग स्वरुप प्रदान गरेको छ ।

महालक्ष्मी विकास बैंककोे सातदोबाटो शाखाले विद्यालयका छात्र छात्राहरुलाई शैक्षिक सामग्री वितरण गरेको हो ।

कार्यक्रममा बोल्दै विद्यालयका प्रधानाध्यापक भीमप्रसाद गेलाल एवं विद्यालय संचालक समितिका अध्यक्ष दिनेश अछामीले महालक्ष्मी विकास बैंकको सहयोगप्रति आभार ब्यक्त गरेका थिए ।

कार्यक्रममा सातदोबाटोका शाखा प्रबन्धक प्रसन्न सुबेदीले बालबालिकाहरुको शैक्षिक अभिवृद्घिमा बैंक सधैं कटिबद्घ रहेको बताए ।

यस बैंकले प्रदेश नं १ मा ५, प्रदेश नं २ मा १५, बाग्मती प्रदेशमा ३७, गण्डकी प्रदेशमा ९, लुम्बिनी प्रदेशमा १८, कर्णली प्रदेशमा २ र सुदूरपश्चिम प्रदेशमा १७ वटा गरी कुल १०३ वटा शाखाहरु मार्फत सेवा प्रवाह गर्दै आएको छ ।