काठमाडौँ । नेपाल टेलिकमल एफटीटीएच उपलब्ध नभएका सुगम स्थानहरुमा दु्रत गतिको डाटा तथा भ्वाइस सेवा उपलब्ध गराउन फोरजी एलटिई वाईफाई विस्तार गर्ने भएको छ । कम्पनीले उक्त वाईफाई सेवाका विभिन्न आकर्षक प्याकेज उपलब्ध गराइरहेको छ ।

कम्पनीले उपलब्ध गराउँदै आएको यी प्याकेजहरु आवश्यक डिभाइससहित ग्राहक वर्गलाई सहज रुपले प्राप्त गराउन टेलिकम र साइबरनेटिक्स प्रा.लि.बीच सम्झौता भएको छ । सम्झौतामा कम्पनीका प्रमुख व्यावसायिक अधिकृत संगीता पहाडी र साइबरनेटिक्स प्रा.लि. का सिइओ जेम्स न्याछ्योले हस्ताक्षर गरेका छन् ।

फोरजी एलटिई नमस्ते वाईफाई सेवाको प्याकेज र यसको दरबारे जानकारी लिन ग्राहक वर्गले डब्लुडब्लुडब्लु डट एनटिसी डट नेट डट एनपी साइडमा जान सक्ने छन् ।