कैलाली । जिल्ला प्रशासन कार्यालय कैलालीमा कार्यरत १५ जनामा कोरोना संक्रमण पुष्टि भएको छ । प्रशासनका सूचना अधिकारी शिवराज जोशीका अनुसार २३ जना कर्मचारीको कोरोना परीक्षण गर्दा सो संख्यामा संक्रमण देखिएको हो ।

यसैबीच प्रशासनका कर्मचारीमा संक्रमण पुष्टि भएपछि कार्यालयका सेवाहरू पनि स्थगित गरिएका छन् । सो कार्यालयबाट प्रदान गर्ने अत्यावश्यक सेवा बाहेक अन्य सबै सेवाहरू माघ ९ गतेदेखि अर्को सूचना जारी नभए सम्मका लागि स्थगित गरिएको सूचना अधिकारी जोशीले बताए ।

अत्यावश्यक सेवा लिन आउनेहरूको हकमा स्वास्थ्य मापदण्डको पूर्ण पालना गरिएको हुनुपर्ने र कोरोना विरुद्धको खोप कार्ड लिएर आउनुपर्ने प्रशासनले जनाइएको छ।