काठमाडौं । पत्रकार गौतमबुद्ध बज्राचार्य केही दिनदेखि अस्वस्थ भएका छन् ।

तीन दशक पत्रकारिता गरेका बज्राचार्यले खोकी, दम र फोक्सोमा समस्या देखिएपछि भक्तपुर क्यान्सर अस्पतालमा भर्ना भई उपचार गराइरहेका छन् ।

उपचारका क्रममा उनको छातीमा जम्मा भएको पानी निकालिएको तर दायाँ फोक्सोमा ट्युमर देखिएको चिकित्सकले बताएका छन् ।

यसअघि त्रिवि शिक्षण अस्पताल र वीर अस्पतालमा आफ्नो फोक्सोको ब्रोन्कोस्कोपी र बाइओप्सी जाँचसमेत गरिएको थियो ।