काठमाडौं । कोरोना भाइरस विरुद्धको मोडर्ना खोप २३ लाख ४० हजार डोज नेपाल आउँदैछ। स्वास्थ्य सेवा विभाग अन्तर्गतको व्यवस्थापन महाशाखाको आपूर्ति शाखाका प्रमुख सुरेन्द्र चौरासियाले मंगलबार २३ लाख ४० हजार डोज खोप आउने बताए ।

यो खोप सरकारले विश्व बैंकको सहयोगमा खरिद गरेको चौरासियाले जानकारी दिए ।

उनका अनुसार खोपसँगै सिरिञ्ज भने ल्याइएको छैन। उक्त खोपका लागि आवश्यक पर्ने सिरिञ्जको व्यवस्था सरकारले आफैं गर्नेछ।सरकारले खोपका लागि आवश्यक पर्ने सिरिञ्ज खरिद सम्झौता गरी ल्याइरहेको छ।

सरकारले आफैं खरिद गर्नेगरी सम्झौता गरेको २ करोड ४ लाख सिरिञ्ज मध्ये ५० लाख सिरिञ्ज भने आइसकेको चौरासियाले बताए।

यसअघि सोमबार पनि १६ लाख ६० हजार डोज मोर्डना खोप सोमबार आइसकेको छ।