बारा । बारामा विवाहको रथले किचेर गएराति दुई जनाको मृत्यु भएको छ । भने अन्य १२ जना घाइते भएका छन् । मृत्यु हुनेमा आदर्श कोटवाल गाउँपालिका वडा नम्बर ३ स्थित बत्रा बस्ने २५ वर्षीया बालकुमारी देवी राम र १६ वर्षीया निलम कुमारी राम रहेको बारा प्रहरीले जनाएको छ ।दर्श कोटवाल गाउँपालिका वडा नम्बर ३ का वडा अध्यक्ष धर्मेन्द्र यादवका अनुसार रथ अचानक तीव्र गतिमा कुदेपछि रथ अगाडि रहेका मानिसहरुलाई किच्दा दुई जनाको घटनास्थलमै मृत्यु भएको छ ।

वैवाहिक रथ अचानक अनियन्त्रित भएपछि रथ अगाडि रहेका दर्जनौँ व्यक्तिहरुलाई किचेको उनले जानकारी दिए । घाइते १२ जनामध्ये ६ जनाको अवस्था भने गम्भीर रहेको बारा प्रहरीले जनाएको छ ।

बाराका प्रहरी प्रवक्ता समेत रहेका प्रहरी नायब उपरीक्षक राजेश थापाले घाइतेहरुको उपचार कलैया अस्पतालमा भइरहेको छ । यस घटना सम्बन्धमा थप अनुसन्धान भइरहेको बताए ।