काठमाडौँ । भक्तपुरको कमलबिनायक च्यामासिंहमा बस र मोटरसाइकल ठोकिँदा एक जनाको मृत्यु भएको छ । सोमबार बेलुकी भएको दुर्घटनामा एक जना गम्भिर घाइते भएका छन् ।

मृत्यु हुनेमा मोटरसाइकल सवार दोलखाका ३४ वर्षीय देवेन्द्र कार्की रहेका छन् । गम्भीर घाइते भएका उनको उपचारका क्रममा मध्यपुर ठिमी अस्पतालमा सोमबार बेलुकी साढे ८ बजे मृत्यु भएको हो ।

दुर्घटनामा घाइते भएका मोटरसाइकल चालक दोलखाकै २७ वर्षीय बलराम सुनुवारको सोही अस्पतालमा उपचार भइरहेको छ । सोमबार बेलुकी ८ बजे बा ३ ख ४७ ६५ नम्बरको बस र बा ६१ प ६६१८ नम्बरको मोटरसाइकल आपसमा ठोकिएका थिए ।

दुवै सवारी साधन र बस चालक नियन्त्रणमा रहेको महानगरीय प्रहरी वृत्त जगातीले जानकारी दिएको छ ।