काठमाडौँ । पाल्पाको रामपुर नगरपालिका ४ स्लामपुरमा गएराति मोटरसाइकल अनियन्त्रित भएर पल्टिँदा पछाडि सवार व्यक्तिको मृत्यु भएको छ । चालक भने घाइते भएका छन् ।

दुर्घटनामा गम्भीर घाइते भएका ४२ वर्षीय प्रेम बहादुर सार्कीको उपचारको क्रममा रामपुर अस्पतालमा मृत्यु भएको हो । घाइते भएका चालक पाल्पा ५ बेझाडका ३५ वर्षीय जीवन श्रेष्ठलाई उपचारको लागि लुम्बिनी मेडिकल कलेज प्रभास पाल्पा पठाइएको छ ।

बुधबार राति ९ बजे प्रदेश ३–०२–००८ प २९८५ नम्बरको मोटरसाइकल दुर्घटना भएको इलाका प्रहरी कार्यालय रामपुरले जनाएको छ ।