काठमाडौँ । बुवाको हत्या गरेको आरोपमा कीर्तिपुर नगरपालिकास्थित पाण्डेछापबाट दुई जना दाजुभाइलाई पक्राउ गरिएको छ । प्रहरीले बुवाको हत्या आरोपमा दुइ भाइ छोरालाई पक्राउ गरेको हो ।

बिहिबार साँझ ६५ वर्षीय न्हुच्छे नारायण महर्जनलाई छोराहरूले प्रेशर कुकर र लोहोरोले हानेर हत्या गरेका थिए । पक्राउ पर्नेमा मृतकका छोराहरू ४५ वर्षका शंकर र ४० वर्षीय कृष्ण रहेका छन् ।

कुटपिटबाट घाइते भएका न्हुच्छेको उपचारका क्रममा वीर अस्पतालमा मृत्यु भएको महानगरीय प्रहरी परिसर काठमाडौँले जनाएको छ । घटनाबारे महानगरीय प्रहरी वृत कीर्तिपुरले अनुसन्धान सुरु गरेको छ ।