धादिङ । जिल्लाको सिद्धलेक गाउँपालिका १ बुङचुङमा शुक्रबार बिहान मोटरसाइकलको ठक्करबाट पैदला यात्रीको मृत्यु भएको छ ।

मृत्यु हुनेमा सिद्धलेक गाउँपालिका १ का अन्दाजी ५० वर्षीया मुक्ति प्रसाद सिग्देल रहेका छन् । नालाङबाट फुर्के खोलातर्फ जाँदै गरेको बा ३४ प ५०५२ नम्बरको मोटरसाइकलको ठक्करबाट उनको घटनास्थलमै मृत्यु भएको हो ।

मृतक नेपाल प्रहरीबाट सेवा निवृत्त प्रहरी निरीक्षक रहेको खुल्न आएको जिल्ला प्रहरी कार्यालय धादिङले जनाएको छ । मोटरसाइकल चालकलाई प्रहरीले नियन्त्रणमा लिएको छ ।