काठमाडौँ । ओमानमा जारी टी २० ग्लोबल क्वालिफायरबाट शरद भेषावकर बाहिरिएका छन् । उनी शुक्रबार ओमानविरुद्धको पहिलो खेलमा समेत थिएनन् ।

शुक्रबार सम्पन्न ओमानविरुद्धको खेलमा १४ जनाको टिममा शरद सहभागी भएका थिएनन् । नेपाल क्रिकेट संघ क्यानले एंकल इन्जुरीका कारण शरद टीमबाट बाहिरिएको र उनको स्थानमा अलराउण्डर कुशल मल्ललाई राखिएको जनाएको छ ।

क्वालिफायरको आफ्नो दोस्रो खेलमा नेपालले आज फिलिपिन्ससँग खेलिरहेको छ । फिलिपिन्सले टस जितेर फिल्डिङ रोजेपछि नेपालले ब्याटिङ गरिरहेको छ ।