काठमाडौँ । महिन्द्रा समूहको महिन्द्रा इलेक्ट्रिक मोबिलिटी लिमिटेडले तीन पांग्रे विद्युतीय अटो मलंगवा–३ मा सार्वजनिक गरेको छ । समारोहमा मलंगवाका मेयर निप्सल शाह, उपमेयर सबनम भिकरानी, सिडियो स्थनेशवर गौतम, सशस्त्र प्रहरीका एसपी भरत वाँनियालगायतको उपस्थिति रहेको थियो ।

महिन्द्रा ट्रियो पूर्ण निर्माण युनिट (सीबीयु) संरचनाको माध्यमबाट नेपाल आउने गर्दछ । यो गाडी महिन्द्राको भारतको बेङ्लोरस्थित फ्याक्ट्रीमा निर्माण भइरहेको छ । दक्षिण नेपालको तराई क्षेत्रका चुनिएका केही क्षेत्रमा ट्रियो अटो वितरण गर्न तयारी लागि बुकिङ सुरु भएको छ ।

महिन्द्रा ट्रियो भारतको सबैभन्दा ठूलो लिथियम आयोन विद्युतीय अटो प्लेटफर्म हो । पहिलोपटक यो सन् २०१८ मा सार्वजनिक भएको हो ।

जनकपुरका अटो मोबाइलका प्रबन्ध निर्देशक आलोक शाहका अनुसार महिन्द्रा ट्रियो किन्ने ग्राहकले उत्कृष्ट इन्जिनियरिङ र विश्वसनीयताबाट लाभ उठाउन सक्ने छन् । उल्लेखनीय विशेषताको आकर्षक सेट, शून्य प्रदुषणका साथै किफायतका लागि नयाँ मानक निर्धारण गर्ने छ ।