काठमाडौं । सुन ओसार पसारमा संलग्न रहेको आरोपमा त्रिभुवन अन्तर्राष्ट्रिय विमानस्थलस्थित अध्यागमन कार्यालयका कर्मचारी पक्राउ परेका छन् ।

विदेशबाट फर्किएका आफन्त कमल घिमिरेको सामान बोकेकाबेला ती अध्यागमनका कर्मचारीलाई प्रहरीले पक्राउ गरेको हो । उनी अध्यागमन कार्यालयका स्टोर किपर हुन् ।

प्रहरीका अनुसार विदेशबाट फर्किएका आफन्त घिमिरेको झोला अध्यागमन कार्यालयका स्टोर किपरले बोेकेका थिए ।
सोही झोलाबाट १ किलो १ सय ६५ ग्राम सुन फेला परेको विमानस्थल प्रहरी स्रोतले जनाएको छ । सुन ओसार पसारमा अध्यागमनका ती कर्मचारीको समेत हात रहेको भन्दै सोधपुछका लागि पक्राउ गरिएको प्रहरी स्रोतले जनाएको छ ।