मंगलबार, पुष २९, २०८२

जापानलाई लक्षित गरी उत्तर कोरियाले गर्‍यो मिसाइल परीक्षण

मेरोन्यूज २०७८ फागुन १५ गते १०:१७

काठमाडौँ । उत्तर कोरियाले मिसाइल परीक्षण गरेको छ । दक्षिण कोरियाली समाचार एजेन्सी योनहापका अनुसार उत्तर कोरियाले आइतबार बिहान मिसाइल परीक्षण गरेको हो ।

जापानको क्योडो न्युजले पनि उत्तर कोरियाले क्षेप्यास्त्र प्रहार गरेको उल्लेख गरेको छ । क्योडोको रिपोर्टमा भनिएको छ, ‘यो मिसाइल जापानको सागरतर्फ प्रक्षेपण गरिएको छ, यो ब्यालिस्टिक मिसाइल हुन सक्छ, यो जापानको बाहिरी विशेष आर्थिक क्षेत्रमा देखिएको थियो ।’

जापानले आफ्ना जहाजहरूलाई सतर्क रहन निर्देशन दिएको छ । जनवरीमा उत्तर कोरियाले आफ्नो सबैभन्दा शक्तिशाली मिसाइल परीक्षण गरेको थियो ।

प्रतिक्रिया