काठमाडौँ । हाल देशमा उल्लेखनीय मौसमी प्रणाली छैन । पहाडी भूभागमा आंशिक बदली रही अन्य भूभागमा मौसम सामान्यतया सफा रहेको छ ।

मौसम पूर्वानुमान महाशाखाका अनुसार आज दिउँसो देशको पहाडी भागमा आंशिक बदली हुने र अन्य भागमा मौसम सामान्यतया सफा रहने छ । प्रदेश १ तथा गण्डकी प्रदेशको पहाडी भागको एक वा दुई स्थानमा हल्का वर्षाको सम्भावना रहेको छ ।

महाशाखाले प्रदेश १ तथा गण्डकी प्रदेशको पहाडी भागको केही स्थानमा हल्का वर्षा हुने भएकाले आवश्यक सुरक्षा तथा सतर्कता अपनाउन आग्रह गरेको छ ।