काठमाडौं । दुई महिना अघि सुँगुरको मुटु प्रत्यारोपण गरिएका ब्यक्तिको मृत्यु भएको छ । अमेरिकाको बाल्टिमोरका ५७ वर्षीय डेभिड बेनेटको अमेरिकाको युनिभर्सिटी अफ मेरिल्याण्ड मेडिकल सेन्टरका चिकित्सकहरुले ७ जनवरीमा सुँगुरको मुटु सफलतापूर्वक प्रत्यारोपण गरेका थिए ।

मानिसमा सुँगुरको मुटु प्रत्यारोपण सफल हुनुलाई चिकित्सा क्षेत्रकै ठूलो सफलता मानेका थिए । अस्पतालले दुई दिन अगाडी अर्थात ८ मार्चको दिन डेभिड बेनेटको मृत्यु भएको पुष्टि गरेको छ ।

केही दिनयता उनको स्वास्थ्य अवस्था बिग्रदैं गएको थियो । तर अन्तिम घण्टासम्म पनि आफ्ना परिवारका सदस्यहरुसँग कुराकानी गरेका थिए । उनलाई निको हुँदैन भन्ने जान्दाजान्दै पनि उनको उपचार जारी राखिएको थियो ।