काठमाडौं । जबरजस्ती करणीको अभियोगमा प्रहरी हिरासतमा राखिएका अभिनेता पल शाहका म्यानेजर कृष्ण जोशीलाई प्रहरीले जनाएको छ ।

जोशीलाई तनहँुबाट पक्राउ गरेको जिल्ला प्रहरी कार्यालय तनहुँले जनाएको छ । जोशीले पल शाह प्रकरणमा आर्थिक प्रलोभनमा आफू पनि जोडिएको भनी युट्युबरहरुलाई अन्तर्वार्ता नै दिएका थिए ।

शाहसँग केही दिनदेखि लिइएको बयानपछि सो प्रकरणमा जोडिएको कारण जोशीलाई तनहुँ प्रहरीले पक्राउ गरेको हो । शाह करणी अभियोगमा जिल्ला प्रहरी कार्यालय तनहुँको हिरासतमा छन् ।

शाह विरुद्ध नवलपुरमा पनि करणी मुद्धा परेकाले दुई दिनअघि इलाका प्रहरी कार्यालय गैंडाकोट पुर्याइएको थियो । नवलपुर प्रहरीले शाहलाई जिल्ला अदालत नवलपुर पुर्याएको थियो ।

नाबालिकामाथि करणी गरिएको भन्दै फागुन ११ गते तनहुँ प्रहरी कार्यालयमा किटानी जाहेरी परेको थियो ।

नाबालिकामाथि करणी अभियोगमा किटानी जाहेरीपछि प्रहरीले खोजी तिब्र पारेपछि शाह आफै तनहुँ पुगेर आत्मसमर्पण गरेका थिए ।