काठमाडौँ । साताको पहिलो दिन आज सेयर कारोबार मापक नेप्से परिसूचक दोहोरो अंकले घटेको छ। आज नेप्से परिसूचक १४ दशमलव ६७ अंकले घटे। २ हजार ६ सय १६ अंकमा झरेको हो।

यस्तै, क वर्गका कम्पनीहरूको कारोबार मापन गर्ने सेन्सेटिभ इन्डेक्ससमेत ३ दशमलव ०१ अंकले घटेको छ। नेप्से परिसूचक घटेसँगै कारोबारमा धेरै वृद्धि देखिएन।

दिनभर भएका ३५ हजार २१२ कारोबारबाट २२४ कम्पनीका ४२ लाख ८७ हजार ५६९ कित्ता सेयर किनबेच भए। जसअनुसार दुई अर्ब २७ करोड ४६ लाख २६ हजार १९१ रुपैयाँ कारोबार भएको थियो।