काठमाडौँ । प्रधानमन्त्री शेरबहादुर देउवा सोमबार मोरङ जाने भएका छन्। उनी सुन्दरहरैचा नगरपालिकामा आयोजित कार्यक्रममा सहभागी हुन जाने भएका हुन्।

सुन्दरहरैचा नगरपालिकाका उपप्रमुख धनमाया तामाङले दिएको जानकारीअनुसार प्रधानमन्त्री देउवा सोमबार बिहान नगरपालिकाद्वारा आयोजित तीन वटा कार्यक्रममा सहभागी हुने कार्यक्रम रहेको छ।

प्रधानमन्त्री देउवाले सुन्दरहरैचा नगरपालिकामा निर्मित नगर अस्पतालको उद्घाटन गर्ने कार्यक्रम रहेको छ। त्यसैगरी उनले सो नगरपालिकाको प्रशासनिक भवन र सुन्दरहरैचा नगरपालिकाको वडा नं ९ मा निर्माण हुने कृषि बजारको शिलान्यास गर्ने कार्यक्रम रहेको उपप्रमुख तामाङले बताइन्।