काठमाडौँ । आईसीसी पुरुष क्रिकेट विश्वकप लिग २ अन्तर्गत आजको खेलमा नेपाल युएईसँग १०० रनले पराजित भएको छ। युएईले दिएको २०३ रनको लक्ष्य पच्छाएको नेपालले १०३ रन मात्रै बनाएर अल आउट भएको हो।

दुबई क्रिकेट रंगशालामा टस हारेर पहिले ब्याटिङ गरेको युएईले निर्धारित ५० ओभरमा ९ विकेट गुमाउँदै २०२ रन बनाएको थियो। जवाफी ब्याटिङमा उत्रिएको नेपालले जम्मा ३५ ओभर खेल्दै अलआउट भएको हो।

यसअघि भएको खेलमा नेपाल युएईसँग ४८ रनले पराजित भएको थियो।