काठमाडौँ । सिटिजन्स बैंकले आफ्नो १५ औं वार्षिकोत्सवको अवसरमा कर्णाली प्रदेशका विभिन्न जिल्लाको विद्यालय, वृद्घाश्रम केन्द्र तथा अस्पताललाई नौ लाख रुपैयाँ बराबरको सहयोग गरेको छ । आगामी वैशाख ७ गते बैंकले १५ औँ वार्षिकोत्सव मनाउँदै छ ।

यस क्रममा बैंकले जाजरकोट जिल्लाको श्री हरिशिव प्राथमिक विद्यालय, श्री कालिका प्राथमिक विद्यालय, सिमिकोटको श्री बालमन्दिर माध्यमिक विद्यालय तथा श्री मानसरोवर माध्यमिक विद्यालय, डोल्पाको श्री बालमन्दिर आधारभूत विद्यालय, श्री गौरी आधारभूत विद्यालय तथा श्री आदर्श माध्यमिक विद्यालय, मुगुको माहाकाली मोडल हाई स्कूल तथा नेपाल राष्ट्रिय आधारभूत स्कूल बालमन्दिरलाई ५० हजार रुपैयाँले आर्थिक सहयोग गरेको हो ।

यस्तै, जुम्लाको श्री जनता माध्यमिक विद्यालय ९प्राबिधिक धार०लाई एक लाख रुपैयाँ, हुम्लाको श्री लालिगुँराश मा.वि, श्री कोट मा.वि तथा श्री हिमज्योती मा.वि ३३ हजार ३३३ रुपैयाँका दरले रकम हस्तानतरण गरेको छ । साथै बैंकले विभिन्न संघ संस्थालाई आर्थिक सहयोग गरेको छ ।