ताप्लेजुङ । ताप्लेजुङको फुङ्लिङ नगरपालिका १० मा शनिबार साँझ ट्याक्टर दुर्घटना हुँदा एक जनाको मृत्यु भएको छ । घटनामा एक जना गम्भीर घाइते भएका छन् ।

मृत्यु हुनेमा फुङलिङ नगरपालिका ८ का २८ वर्षीय रुपेश राई रहेको जिल्ला प्रहरी कार्यालय ताप्लेजुङले जनाएको छ । दाउरा लिएर सदरमुकाम फुङ्लिङतर्फ आउँदै गरेको मे १ त ७७८ नम्बरको ट्याक्टर फुङ्लिङ नगरपालिका १० को भित्री सडकस्थित गुरुङगुम्बा नजिक दुर्घटना भएको जिल्ला प्रहरी कार्यालयका प्रवक्ता कैलाशकुमार अधिकारीले जानकारी दिए । घाइते हुनेमा विशेष राई रहेको प्रहरीले जनाएको छ ।

घाइते राई उपचारको लागि झापामा रिफर गरिएको प्रहरीले जनाएको छ । सामान्य घाइते अन्य दुई जना प्राथमिक उपचार पछि घर फर्केको प्रहरीले जानकारी दिएको छ ।