काठमाडौँ । साताको पहिलो दिन आज सेयर कारोबार मापक नेप्से परिसूचक ४१ अंकभन्दा बढीले घटेको छ । आइतबार नेप्से परिसूचक ४१ दशमलव ४३ अंकले घटेर दुई हजार ५७२ दशमलव २३ अंकमा झरेको छ ।

‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि ९ दशमलव ५५ अंकले घटेको छ । कारोबार रकम भने ५ अर्ब नजिक पुगेको छ ।

दिनभर भएका ६२ हजार १६४ कारोबारबाट ८९ लाख २३ हजार १४ कित्ता सेयर किनबेच भएका छन् । जसअनुसार कारोबार रकम ४ अर्ब ९८ करोड ९५ लाख १४ हजार ४ सय १६ रुपैयाँ पुगेको छ ।