काठमाडौँ । अनुभवी फरवार्ड करिम बेञ्जेमा चम्किएको खेलमा रियल मड्रिडले स्पेनिस ला लिगामा सेल्टा भिगोलाई २–१ अन्तरले पराजित गरेको छ ।

शनिबार भिगोको घरेलु मैदानमा दुवै गोल बेञ्जेमाले गरे । भिगोको लागि नोलिटोले एक गोल फर्काए । १९ औँ मिनेटमा बेञ्जेमाको पेनाल्टीमा अग्रता बनाए ।

५२ औँ मिनेटमा नोलिटोले गोल गर्दै खेललाई १–१ गोलको बराबरीमा ल्याए । ६४ औँ मिनेटमा बेञ्जेमा पेनाल्टीमा चुके । तर पुनः ७० औँ मिनेटमा बेञ्जेमाले पेनाल्टीमै गोल गर्दै रियलको जित पक्का गरे ।

जितसँगै रियलले ३० खेलबाट ६९ अंक सहित शीर्ष स्थानमा बलियो पकड जमाएको छ । सेल्टा भने ३६ अंक जोडेर ११ औँ स्थानमा छ ।

गय राति नै भएको खेलमा एट्लेटिको मड्रिडले डिपोर्टिभो अलाभेसलाई ४–१ अन्तरले पराजित गर्यो । लुइस स्वारेज र जुवाओ फेलिक्सले समान दुई गोल गरे । जितपछि समान ५७ अंक भए पनि एट्लेटिको तेस्रो स्थानमा रहेको छ ।