चितवन । चितवन जिल्लाको रत्ननगर पिठुवामा स्थापना भएको गुञ्जमान सिंह अस्पताललाई नेपाल बैंकले मेडिकल उपकरण खरिद गर्न १५ लाख २५ हजार रुपैयाँ आर्थिक सहयोग गरेको छ । बैंकको स्थापना तथा सञ्चालनमा महत्वपूर्ण योगदान पुर्‍याएका स्व. सरदार गुञ्जमान सिंहको सम्झनामा सो अस्पताल बनाइएको हो ।

बैंकका प्रमुख कार्यकारी अधिकृत कृष्णबहादुर अधिकारीले उक्त सहयोगबाट त्यस क्षेत्रका सर्वसाधारणमा स्वास्थ्य सेवा प्रभावकारी बनाउन मद्दत पुग्ने बताए ।

उनले उक्त सहयोगबाट अस्पतालले त्यस क्षेत्रका सर्वसाधारणनागरिकमासहज ढंगबाट स्वास्थ्य सेवाप्रदान गर्न थप सहयोग पुग्ने विश्वास व्यक्त गरे ।
उक्त कार्यक्रममा बैंकका सहायक प्रमुख कार्यकारी अधिकृत विश्वराज बराल, प्रकाशकुमार अधिकारी र होम बहादुर खड्का साथै कम्पनी सचिव केशव प्रसाद भण्डारी, वरिष्ठ प्रबन्धकद्वय अर्जुनबहादुर कँडेल, बाबुराम काफ्ले लगायतको उपस्थिति थियो ।