काठमाडौं । भारतले नेपालबाट थप ३२५ मेगावाट बिजुली लैजाने भएको छ । नेपालबाट उतपादन हुने विजुली निर्यातमा भारतले स्वीकृति दिएको उर्जामन्त्री पम्फा भुसालले जानकारी दिइन् ।

प्रधानमन्त्री शेरवहादुर देउवाको भारत भ्रमण दलमा रहेकी उर्जा मन्त्री भुसालले आज सिंहदरवारस्थित आफ्नै मन्त्रालयमा पत्रकार सम्मेलन गरी त्यस्तो जानकारी दिएकी हुन् ।

यसअघि भारतले ३९ मेगावाट बिजुली निर्यात गर्न स्वीकृति दिएको थियो। नेपालले थप बिजुली लैजान भारतलाई आग्रह गरेको थियो।

प्राधिकरणका प्रवक्ता सुरेश भट्टराईले थप बिजुली निर्यात गर्न स्वीकृति दिएको कुरा आजमात्रै जानकारीमा आएको बताए।

अहिले नेपालले भारतबाट बिजुली किनिरहेको छ।